MIRROR成員姜濤、呂爵安（Edan )、盧瀚霆（Anson Lo)、柳應廷（Jer)今早在尖沙咀出席品牌活動，四人於早上11時45分現身，商場一早已被鏡粉逼爆，幾位成員甫出現即跟粉絲打招呼，之後跟大會安排去到不同打卡位影相，再到傳媒面前拍照約2分鐘左右，當時姜濤面色已見蒼白，怎料他突然「嘭」一聲的腳軟暈低倒地，嚇得全場大叫，而站在姜濤身旁的Jer立即扶起對方，多位工作人員上前幫忙，活動隨即腰斬，之後姜濤在兩名保安左右攙扶下步行離開。
相隔8分鐘，Jer、AL和Edan再現身繞場一周揮手跟粉絲說再見，粉絲為姜濤加油大呼：「冇事㗎！」問到Edan關於姜濤情況，他代為報平安指對方冇事，之後三子逗留約兩分鐘就離去。
MIRROR人氣急升，各個成員都各有各忙，尤其是姜濤工作繁重，既要拍電影，又要籌備演唱會，加上大量的廣告及宣傳活動，在社交平台表示凌晨二時多才收工，未知是否工作過勞，導致體力不支暈倒。上星期Anson Lo連踩30個鐘開工，化妝時亦見頭暈；Edan亦日踩20個鐘等。
之後MIRROR經理人花姐於社交平台表示，姜濤本身有少許胃痛，加上現場環境較焗促，及閃光燈不斷，所以有少許腳軟而跣低，現在休息中，沒有大礙，姜濤這兩天會好好休息。
圖：IG及網上截圖
