肥媽（Maria Cordero）將於下月27及28日（初六、初七）紅館開騷，不過其實肥媽曾於2016年舉行《友誼長存30週年香港演唱會》告別紅館，今日復出開騷，原來是因為在退休3年期間，她炒燶股票輸了近$5,000萬，加上老公又患上重病要承擔巨額醫藥費，今她不敢輕言退休。
肥媽說當年她手上有近4、5千萬現金，於是便打算退跟老公歎世界，後來有朋友叫她買關於電燈的香港科技股，怎料跌至停牌，股價短短幾日由8蚊大跌至8毫子，再跌到8仙結果輸剩200萬，連朋友都破產，她慶幸自己沒有炒孖展，不過經過今次重創，她反而變得積極：「過咗去就過去，唔係你就唔係你，冇得傾。個天都畀健康我做嘢啫，雖然跑唔返幾千萬條數，但都OK跑返少少嘅，至少喺世界各地嘅物業及鋪位全部已供滿，𠵱家可以過住平穩生活，賺吓錢做吓善事。」
肥媽又透露已寫好了平安紙分身家，海外物業會分給孫兒，肥媽指當日低價買樓，因為兩老打算周遊列國探兒孫，但可惜當兩公婆供完樓，老公就先行一步，老伴離世肥媽也不再置業。
至於下月舉行兩場《面對面演唱會》有齊老、中、青三代嘉賓，包括「黑妹姐」李麗霞、馬浚偉及《聲夢2》亞軍黃洛妍（Janees）外，肥媽又表示「預埋」已故老公Rick：「以前每次我做演唱會，佢都會喺台上打高鼓，到時個鼓手會打我老公套鼓，我會憑歌寄意唱《憑著愛》，希望唔好眼濕濕啦。」
圖：互聯網、FB
