自反修例示威風波發酵以來，警隊被示威者仇視，令警民關係每況愈下。但昨夜一條來自馬鞍山警署一名警員的廣播短片，在網上熱傳，片中警員化身「DJ」，以磁性聲線勸喻非法集結的示威者臨崖勒馬，令不論藍黃紅黑白立場的網民，都一致讚好。
日前馬鞍山警署被示威者激烈包圍之際，一名警員嘗試開咪說服示威者撤離，聲調十分輕柔而誠懇，恍如化身電台DJ，試圖感化在場人士。
該名警員說：「你望下自己手機加入咗嘅群組，嚟緊呢5年，你係咪真係想同呢啲人失去聯絡？如果你坐監嘅話，你唔可以再聯繫呢啲人。如果非法集結，你出嚟嘅時候係5年後。如果你有進行過刑事毀壞，會係10年後，加埋15年。再如果參與過暴動，25年後，你數數？今年係2019年，我哋數返25年前。1994年，當時唔好話4G、5G，連3G都未有，互聯網都未流行。25年後係一個咩世界？你就係願意，為咗今晚而失去嚟緊呢25年嘅光陰？」
短片引起網上熱議，絕大部分網民明顯「受軟唔受硬」，都對警員的表現大為讚賞，有網民指「雖然我唔認同佢亦唔鍾意警察，但係佢算做得好好」；亦有網民指，「唔好理有冇效，但係呢個感覺係舒服好多囉。」亦有網民說：「耳朵懷孕了，我想同佢情深對話！」
