終審法院批准扣押黎智英嘅案件上訴。律政司上訴嘅理由同我之前講嘅大同小異，即是高等法院法官李運騰冇依據刑事程序條例9d2、同埋亦都冇嚴格遵守國安法第42 條。主控官特別明確指出，國家安全的嚴重性比起殺人嘅終身監禁的判罪不遑多讓。既然謀殺唔可以保釋，違反國安法更加唔可以保釋，呢個係好清晰嘅概念。但係馬道立嘅判詞好特別，佢唔係即時覺得個上訴係得直，只係話個上訴係有合理嘅爭辯空間，然後再將案件押後到二月先再正式審訊。有人問佢關於李運騰法官係咪犯咗錯，佢答案亦都只係一樣話有合理嘅爭辯空間，又話案件牽涉到廣泛嘅關注所以有理由批准上訴，完全逃避直接作答。
馬道立將案件押至明年2月才正式審訊，大家唔覺得有咩特別呢？其實就係馬道立將會在一月卸任，之後就由下手去接捧。佢呢一招乾坤大挪移，既唔會得罪外國免受制裁，又唔會得罪中央。係一個非常高明巧妙可以置身事外的做法。因為如果下一任張舉能嘅判決係話律政司嘅上訴係嬴，即係話李運騰係錯誤嘅話，即是將來所有犯國安法的被告就不容易批准保釋。咁樣呢就好明顯會引起外國勢力嘅不滿甚至制裁。如果張舉能判律政司輸，則可引起司法災難被中央責難 。馬道立不愧老江湖， 一招金蟾脫売做出佢個人完美結局，可以全身而退，佩服佩服。另外，唔知佢老婆被提名升任終審法院法官一事有冇下文，大家的目以待。
