之後記者嘗試從網上論壇、群組，進一步了解這家天價「名幼面試班」，是否一如他們所說，能夠幫助小孩子入讀名幼，但發現口碑原來非常一般，不少家長更大歎物非所值。
利用家長收集試題 攞料返轉頭
升學顧問公司聲稱擁有全港各間名幼的面試貼士，收費後可向家長傾囊相授，其實他們是從何得知這些「貼士」？
有光顧過的家長踢爆，該公司其實是利用成功獲取錄的幼童家長作探子「攞料」：「本人經過某學校面試後發現同面試班教的有出入，學校只考小朋友無考家長，當然之後很幸運地靠着小朋友臨場發揮已入到心儀學校啦！反而佢地（哋）問番我地（哋）考過啲乜提供俾佢地（哋）。」
考間全部唔收 退款1,000元
亦有其他家長指出，這些面試班的效用是名過其實：「我考8間8間都唔入，所有嘢做齊晒，所有嘢都識晒，（名幼）都係唔收，搵笨！」該名家長又表示，該公司後來只退款1,000元，令她相當不滿：「老實講，佢教嘅嘢其實喺坊間都搵到，唔係啲咩特別貼士。」另一名家長在社交網站指該公司根本「貼唔中」試題：「對龍幼校網一（啲）都唔熟悉，連interview（面試）模式都不知道，又唔知道（啲）學校鐘（鍾）意乜類型學生。淨係不停催你plan（計劃）。」更呼籲家長們「唔好嘥錢」。
答非所問 畀資料家長不見小朋友
有家長亦指該公司「好流」：「我講明考港島女龍（一條龍學校），個顧問就一直推介叫我考民生、培正，完全答非所問。8次Consultant（諮詢），只係見主子（子女）二次，其餘時間比（畀）材料家長Train（訓練），咁不如家長自己教，洗（使）乜比錢佢賺，拎錢去同小朋友買書睇好過。」亦有家長表示：「嗰8間，包1-2間呼吸（普通）學校，（面試）就一定成功咁。」
專家質疑： 師資無保障家長宜審慎
面對家長種種不滿，有資深幼教界專家就質疑，這間所謂升學顧問公司的師資毫無保證，未必能真正幫到小朋友入學：「佢哋係由一班後生仔去創立，係咪有足夠經驗做教育呢？呢個存有好大疑問。」專家續指，坊間面試班百花齊放，卻不受政府監管，家長若覺得孩子有需要參加課程，宜慎選再作決定。
