曾經出任過律師會主席的立法會議員何君堯認為，「反對派」可能比大家想像中更有優勢。他數票後指出，若計及理事會內已歸邊的游離票，「反對派」未改選前已擁有約9席，意味着「反對派」只需趁今年這關鍵時刻再強攻，將極之容易再奪兩席，隨時反過來進佔大多數，屆時「整個律師會就會被『黃化』」。
何君堯解釋，律師會未染黃之前，一直政治中立，以法理為基礎表態：「我哋同戴啟思、夏博義揸旗嘅大律師公會好唔同，大律師公會一見到有政治問題就『標出嚟』批評，都未睇清楚啱定錯。」他批評大律師公會在近兩年的「修例風波」中帶頭打擊法治：「佢哋發出嘅幾個聲明，往往係針對政府，實際上係反政府，對黑暴、私了、縱火、非法集會，一係閉咀不提，一係出聲就好Mild（溫和）。」何君堯憂慮律師會完全「黃化」後，將會與大律師公會唱雙簧，互相護航。
近來律師會對社會重要議題亦有表態，但理事會內的「黃營」卻往往對政治問題另發「個人聲明」來表達政見，何君堯批評他們的做法標奇立異，嚴重破壞了理事會的團結性：「如果今次改選再多幾隻呢啲黃色分子滲入，只會加速同惡化咗個情況。」
恐律師會選舉將蹈區議會覆轍
不過說到底，理事會選舉亦是優勝劣敗的英雄地，如果「反對派」較多業界支持，自然能勝出選戰。何君堯痛心地表示，持守專業的一方雖然大勢已去，但仍呼籲業界積極投票抵抗：「（黃營）漠視香港係中國領土一部分，趨向於支持港獨的話，好危險。律師會點能夠有呢啲人入去？但在目前的選舉制度下，『我鍾意呀，你又奈我唔何？』這種情況就好似2019年區議會選舉，將導致整個律師會變天。這種變天，阿爺會不會管？而家已經睇到，公職人員都要宣誓。」
何君堯認為前車可鑑，當「黃營」主導區議會後，區議會立即由服務社會的諮詢架構，變得政治化，「黃色區佬」甚至趁開會時，向出席會議講解刑事情況的警務處處長肆意侮辱：「絕對係有一個合理擔心，就係而家律師會畀你揸莊後，你會如何帶領這12,000人？政府有事要推動政策時，若你『逢中必反』，我擔心會對着幹。」
律師會近年似被「政治滲透」
另一名執業廿多年，熟悉理事會運作但不願公開身份的資深事務律師指出，律師會向來只專注於專業範疇，包括負責本港事務律師的執業證書、紀律處分等兩大「生殺大權」，亦會就政府的法律草案提出意見：「政治旋渦以前邊有咁厲害？」但時移勢易，他指出自從林新強被推翻，張達明晉身理事會後，律師會似乎已被「政治滲透」：「律師會政治色彩越來越濃厚，作為會員嚟睇，唔好講乜營物營，再搵呢啲人入嚟，對律師會直情係一件壞事！」
他舉例，理事會內自稱「開明派」的林洋鋐、彭皓昕等人，從來只關心《蘋果日報》倒閉、12名參與過黑暴後偷渡的港人、積極為夏博義護航，但對業界權益則不聞不問：「佢哋100個Post（貼文）裏面，都無5個講自己行業。大家咪睇吓佢哋係唔係咁中立？」
另一樣令他覺得反感之事，乃數名自稱「開明派」的理事，不時另發共同聲明作政治表態：「佢哋咁做，外人咪會覺得律師會有內鬨！」他擔心理事會一旦落入「黃營」的「反對派」手中，他們可隨時利用律師會的名義發表敏感政治聲明。
政府可以收回律師會專業監管權
對於今年改選，連該名見慣風浪的律師也坦言打定輸數：「（反對派）今年唔全取5席至奇！」歸根究底，他認為「反對派」早有野心部署搶攻，當成政治選舉去製作文宣，令缺乏選舉洗禮的「專業派」明顯被比下去：「點解仍然有咁多人支持佢哋？就係佢哋將所有事政治化，令人覺得我哋偏幫中央。」事實上，過往由「專業派」主導的理事會，亦曾多次就政府提出的法律草案提出批評：「所以係有人為咗攞票去扣帽子，分化我哋專業！其實我哋要咩？團結！佢玩咩呀？分化！咁點會令律師會強大？」
這位資深律師憂慮，一旦「反對派」進佔理事會大多數席位，律師會與大律師公會勢必合謀「狂隊」政府：「唔好話『阿爺』，我做政府都唔想見到。你諗下佢哋可唔可以同政府、司局長開會？同政府磋商都難啦！所以話，選咗佢哋做大多數後，政府會唔會收返律師會個監管權？呢樣唔使問，牛頭角順嫂都知，一定好大機會！」
一旦律師會被收回監管權，最大損失是誰？他無奈地說：「萬一政府收返監管權，咪所有律師負責返後果囉！」
