近來人氣爆燈的姜濤成為廣告界的新寵，據說今年頭4個月已推出22個代言及宣傳廣告，當中不乏大品牌如卡地亞、YSL、滙豐保險、麥當勞等等，而最新一個是與蔡卓妍（阿Sa）一齊代言做HPV疫苗大使，取代了以往的周柏豪。阿Sa擔任HPV代言人已經15年，曾跟梁詠琪、鄭伊健、周柏豪等合作拍攝，今年跟廣告商續約，不過拍檔就換上了人氣王姜濤。
姜濤首次與阿Sa合作，原來兩人是分開拍攝，不過姜濤特登往拍攝場地探阿Sa，姜濤表示去到現場與阿Sa見面，緊張到腦中一片空白，要阿Sa幫手打圓場，場面搞笑。他解釋：「阿Sa對我來講是前輩、又是影后級人馬，點知她好Nice主動打招呼，搞到我有點唔好意思。」姜濤又謂對於未能與阿Sa同場拍攝偷師感到可惜，最近姜濤的家人、朋友均受疾病困擾，他表示深切體會到健康的重要性。「我自己都會take action去預防，因為這是對自己和將來另一半應盡的責任。」
至於阿Sa對於與新面孔姜濤合作表示很開心：「好開心多個人幫手推廣HPV。預防HPV呢件咁大嘅事係要全人類都要去take action只得，所以係應該要與唔同嘅新面孔一齊去合作宣傳呢件咁有意義嘅事！」
