今年2月才宣布再度懷孕的岑麗香，今日在IG宣布細仔「小腰果」已出世，還貼出一邊餵細仔飲母乳，另一隻手就拎住奶樽餵大仔Jacob飲奶的相，香香留言：「Double trouble, double love（雙倍困難，雙倍愛）#小腰果多多指教」畫面非常溫馨！
而剛剛出世不久的小腰果頭髮濃密，非常可愛，香香還貼出了哥哥Jacob睡在細佬身旁，非常開心！而香香老公Joshua亦上載幾張靚相，並透露囝囝英文名叫Julius Samuel Ngo，特別用上爺爺名字，出世時就重3.02公斤（約6.65磅），其中一張Joshua開開心心高舉細仔，一張是見到細仔的正面，眼長長鼻高高。有記者向香香查詢近況，香香回覆：「多謝大家，收到好多人祝福，我哋完全收到晒。小BB叫Julius，容易啲叫佢做Baby Juju。媽咪同BB都返咗屋企休息，所以多謝大家嘅關心。」更表示一早預備了顏色筆作為禮物，是細佬送給哥哥，所以哥哥都好滿意這個弟弟。
圖：IG
