一位不願透露身份的現任通識科老師，在接受本刊訪問時透露，當年任教的學校，超過一半教師支持反對派立場，當中更有教師相約學生一起去遊行抗爭，事後又在學校早會上，與學生分享親身經歷：「佢哋集中講點樣追求公義，仲會鼓勵學生去嘗試，講到唔去係唔啱嘅咁。但又唔會講返畀學生知，咁樣做係違法，或者有乜嘢後果。」
這位老師透露，這班政治立場偏頗的「黃老師」，平日十分積極，帶領學生去參與反政府遊行、請願。他又說，雖然學校知悉老師的言行，但從來不干預：「校方覺得老師有言論自由，同埋老師、學生放咗學之後，學校無權去管佢哋做嘅事。」
個人立場應放埋一邊
他又指，有些通識科教科書資料傾向單邊立場：「譬如講特首選舉，佢會問你『全民普選』定『1,200人的選舉』較體現到民主精神？然後列出嘅大部分理據都傾向『全民普選』，另一方嘅理據就好少，咁你好自然會支持『全民普選』。」
該名老師坦言，教師都是人，不可能沒有個人政治立場，但面對學生時必須持平，個人立場要放埋一邊：「成日都會有學生問我，『你點睇小圈子選舉？』、『你覺得咁咁咁係法治定人治？』我會答佢哋，我嘅睇法唔重要，最重要係佢哋自己點睇。」即使要討論一些敏感議題時，正反兩面的陳述都要兼顧，不能有所誤導。
