律師一直被視為專業人士，其公開言論理應絕對可信及中立。然而，本身對法律有一定認識，關心年輕人未來的國藝娛樂文化集團主席冼國林接受《堅料網》獨家專訪時不點名批評，有律師及大律師刻意歪曲法律原意來誤導年輕人，犯下「法律系一年級生都不會錯的嚴重錯誤」，質疑目的是煽動年輕人以身試法，斷送大好前途。
「千祈唔好誤會律師講嘅嘢一定全部啱，事實上好多律師講嘢都係有誤導性。」冼國林對這些張開眼說謊的所謂「專業人士」刻意扭曲法律含意，煽動年輕人上街的做法嗤之以鼻、深惡痛絕。
他舉例：「有個大律師講話，警察臥底可能犯法。呢個絕對係嚴重錯誤！」冼國林解釋：「全世界都有臥底，係法庭判決咗，合法嘅。警察臥底係撲滅罪行必然需要用嘅方法，儘管喺某啲法律上可能會有偏差，但我們都無辦法唔接受呢個事實，亦係最有效嘅方法。」他亦指出，臥底在參與某些罪行時，是可以獲得豁免（immunity）。
冼國林續說，「臥底當然唔需要表露身份，表露身份嘅就唔係臥底啦！黃絲都有臥底喺警察裡面，大家都有臥底，點解你有臥底就得，佢有就唔得呢？」他表示，有律師又指，警察臥底的口供不會被接納，他直言：「呢個又係誤導嘅！臥底嘅證供，法庭係會接納。」譬如一名潛入黑社會做臥底的警員，聽到黑社會老大說一些犯法的事，記錄下來，便可成為有效呈堂證供。
他又舉出另一個律師誤導年輕人例子：「有個律師話香港警察『濫捕』，係犯咗『人道性罪行』，全世界嘅法庭都可以審判。呢樣嘢係連一個法律系一年級學生都知道無可能嘅！」他解釋，「因為法庭有司法管轄權，所以話香港警察喺全世界各地法庭都可以接受審訊，呢個係一個非常嚴重嘅誤導。」
只要是律師開口說「可以咁咁咁」，年輕人於是就深信不疑。冼國林坦言，這些別有用心的人騙取了年輕人的信任，問題可大了：「試過有啲被捕人士話：『律師話可以咁咁咁嘅！』，又話『律師話特權有權特赦示威者嘅！』」
冼國林說：「咩係特赦呢？1974年『警廉風暴』時係有嘅，因為當時涉及嘅人數真係太多，拉嘅人都好多。但當時嘅特赦係，已拘捕的人、或者調查中的人無特赦，只係未開始調查、唔知你係咪犯法嘅人，就不作調查。但係on hand（手上）開咗file（檔案）嘅人繼續調查，定義係唔同嘅。」
另一樣不能特赦的原因，是證據確鑿：「你而家已經係打穿人哋個頭，傷害他人身體，好明顯就係犯咗法。如果你叫特首咁樣去特赦，全世界都無可能咁做。」所以冼國林認為，這些有明顯犯罪證據的人，不能特赦。
