啱啱睇到一篇屈穎妍小姐所寫嘅文章，標題是「拋浪頭噴口水的民主大佬」。文中講及好多所謂民主派嘅頂級人物在過去20多年，如何囂張跋扈，挾洋自重。 在黑暴期間，甚至高呼公民抗命， 聲稱甘願承受法律責任云云，擺出一副拋頭顱灑熱血的高尚情操，但實際上個個都是講一套、做一套的無恥鼠輩，暗地裏爭取時間， 選擇以走佬方式逃避刑事責任。 我相信他們的實際表現，已經令到許多曾經被鼠輩大佬美化了的浪漫革命情懷所欺騙嘅傻仔傻女，內心都非常氣憤。但這篇文章卻令我想起另外一些人物。
今日好多突然愛國者或者突然勇猛嘅官員，佢哋相比吹水大佬又好得幾多呢？其實在2014佔中事件已經突顯咗好多政府官員和許多保皇黨的怯懦、龜縮和怕事自保的一面，直至到2019年更加表露無遺。一個二個龜縮得令大眾市民咋舌及氣餒。他們對黑暴者， 唔係加以奉承意圖討好，就是噤若寒蟬，龜縮一旁。
在今天中央表態強力支持之下，直至到推出《國安法》， 夏寶龍主任更加清晰表態，一定要愛國者才可以治港。 在中央強力支持之下，一眾龜縮族像食了壯陽藥似的，馬上變成勇猛一族， 侃侃而談，成為堅定勇猛愛國者。 但是這些突然勇猛族同嗰班反動派嘅吹水大佬，實質上有乜分別呢？
如果中央政府真係希望未來特區政府可以開創一個新局面， 刮骨療傷來一個徹底改革，就必須要認清楚這些突然愛國者的真正心態，在選擇新一屆領導班子的時候，要避免錯揀龜縮一族。
就以香港大學董事局充斥反動派分子，就可以知道我哋過去特區政府如何姑息養奸，妄圖希望討好兩邊以保護自己利益和地位。 我亦曾經講過，國家利益一定凌駕個人的任何利益， 我衷心希望中央政府可以小心選擇下一屆嘅領導班子，以免再出現庸官充斥的局面。「打鐵還需自身硬」，香港特區必需「莊敬自強」，回復昔日東方之珠的光彩，不可以再成為國家負累。
轉載自冼國林Facebook
電影人，關心社會政局的時事評論員，KOL
＊作者文章觀點，不代表堅料網立場
