關於香港教育專業人員協會， 簡稱教協。它之所以能夠形成今天的龐大勢力，教育局責無旁貸。回歸初期，當大家都未清楚有外國勢力介入仍屬情有可原，但在2019年黑暴事件之後，各方面多次提出教協的政治立場有很大問題的時候，教育局完全當聽唔到，仲繼續去認可佢哋係一個代表教育界嘅一個團體，甚至同佢哋有項目金錢交收。
今天楊潤雄局長表態同教協劃清界線， 但係對當日大眾市民包括很多KOL 所反映嘅意見的時候，教育局又做咗啲乜嘢，考慮咗啲咩呢？
其實唔單止教育局、我見到特區政好多部門都仍然是尸位素餐，並無主動出擊，去研究一下有無漏洞需要修補，而是坐等中央指示似的。
其實關於教協嘅罪行及他們是否有違法行為，我曾經係 2020年1月「Ep31」及2021年4月「EP129」的視頻裏面講過教協有可能違反相關法例。首先，據我理解教協是根據《職工會條例》成立，但《職工會條例》第34條講得好清楚，所有職工會嘅資金，是不可以用於政治用途。教協是支聯會嘅會員，究竟佢有否俾過錢支聯會呢？我相信有嘅。另外， 2019年反修例事件中，據聞教協曾經出錢資助教師帶學生去示威遊行。 支聯會絕對是一個政治組織，反修例亦是一個政治行為，如果屬實，單是資金參與這兩個活動已經違反《職工會條例》第34條，勞工處長有權取消其註冊 。所以我建議執法當局去調查教協是否有金錢支持過上述政治活動。當教協註冊被取消之後，它就馬上成為一個非法組織，而所有教協嘅會員就係一個非法組織的會員。我在這衷心提醒所有教協現時的會員，去認真考慮是否馬上退會以免日後要負上法律上責任。
如果教協是根據《社團條例》註冊的話，保安局局長便可以簡單地運用《社團條例》5d所賦予權力，取消教協社團註冊，並宣布教協為非法組識，教協全體會員馬上成為非法團體的會員。
我認為教協是不應該有任何存在嘅空間，必須要完全取締。
另外我要講嘅就是香港記者協會，記協是根據《職工會條例》所成立，所以第34條禁止資金用於政治用途亦適用於記協。
我希望執法當局可以嚴肅對待，調查記協是否有違反《職工會條例》及偏離真正為職工爭取權益目的，如果有嘅話，亦應該馬上予以取締，而有關當局亦都應該馬上宣布不再承認香港記者協會任何代表地位，與它劃清界線。
轉載自冼國林Facebook
電影人，關心社會政局的時事評論員，KOL
＊作者文章觀點，不代表堅料網立場
