新一屆選委名單一千四百幾人全部確定，選舉事務處亦隨即將所有選委姓名和私人住址刊登憲報，作為對大眾市民一個公眾通知。 當看到這一個憲報通知後，我又睇到特區政府部門另一個混帳及不用腦的做法。
選舉事務將每一個界別選委嘅姓剽刊登曬出之同時，都將每個選委的私人地址刊出。我喺度想問下選舉事務處要向公眾交代選委資料，點解你唔係刊登佢哋嘅職業而是刊登佢哋嘅私人地址呢？就以毛俊輝為例（我不認識他），他是香港話劇團嘅總監，屬演藝文化界，選舉事務處不公開這個有關資料反而公開佢嘅私人地址。一千四百幾人嘅私人地址刊登咗出嚟，事前有否得到所有選委的同意呢？如果無，又係唔係洩漏咗佢哋嘅私隱呢？
大家都經歷過黑暴事件，警察都唔希望畀人起底，而住址就是每個人的私人城堡，不想輕易讓人知道。
我唔清楚以前有冇咁樣做 ，如果有而選舉事務處又狡辯佢哋係跟住舊規矩做，咁就更加凸顯選舉事務處嘅無能，無跟上時代的脈搏。如果以前冇咁做，今次咁樣做，究竟選舉事務處嘅職員係有咩居心呢？係咪好似傳聞中，特區政府內有一批別有用心嘅職員，刻意咁樣做借意侵犯選委嘅個人私隱，由於我沒有時間做深入調查， 所以唔知道選舉事務處對上係邊個政策局負責，但我認為政務司司長及有關官員應該正視這個事件，對公眾及受影響的選委作出一個交代，而私隱專員亦都應該介入調查睇下有冇人違反咗私隱條例。
轉載自冼國林Facebook
電影人，關心社會政局的時事評論員，KOL
＊作者文章觀點，不代表堅料網立場
