男團MIRROR今天（24日）終於齊人12子現身保險公司活動，久未露面的姜濤亦終於蒲頭，姜濤起初也表現拘謹，一輪熱身後回復狀態有講有笑。
早前因為腳傷而要停工，被問到康復進度？他說：「幾好幾好，仲做緊物理治療，大家唔使擔心。」有媒體影到姜濤去維園打波，問會否擔心傷及患處？他表示昨晩是受傷後首次去維園打波，是朋友叫的，又表示不怕再受傷，因為打籃球重要過生命，「打時都有就住就住，但睇片就唔覺。」
上月初亮相叱咤頒獎禮時，被指身形肥胖，演出又備受爭議，期後神隱接近兩個月，被問到是否受情緒困擾時，姜濤說：「話唔係就一定假，我覺得大家都講得幾啱，（減肥過程辛苦？）還好，但我更會畀心機醫好隻腳，隻腳唔好番，做唔到好多嘢。」（睇晒叱咤嘅負面評語唔開心？）開始一定有，多謝大家嘅抨擊，幾好。（點改進？）慢慢嚟，用作品說話。」
對於隊友柳應廷（Jer）和呂爵安（Edan）有份角逐今屆香港電影金像獎最佳新演員，姜濤卻未有入圍，問他有沒有不開心？他大方表示沒有，因為做演員的路很長，「有機會拍戲已經好好，自問演戲經驗唔多，所以開心就好，老實講阿Jer入圍提名，佢喺戲中做得好過我，因為我個角色一部分做自己，佢係全新角色，Edan都係。」
