「多隻香爐多隻鬼，多一部（專營）的士、多一部車爭嘅，唔多唔少會分薄咗（生意）！」單頭的士車主蔡達春（春哥）揸了的士18年，一星期揸足7日，視的士為營生工具，更是退休生活保障。
春哥原本在灣仔街市經營賣冰粒攤檔，由於政府清拆街市，毅然轉行揸的士，在2001年以270萬元牌價及20萬元買新車，支付約70多萬元首期後，的士分20年供款：「當時膽粗粗見有首期就出咗部的士，一揸就18年，而家月供12,900蚊。」
家庭支柱 揸一更租一更勉強撐住
身為家庭經濟支柱，太太是家庭主婦，兒子還在讀小學，春哥仍要維持一家三口的生活。他主要駕駛早更的士，一星期揸足7日，夜更則以每日350元車租，租予其他司機，但有時他也要連踩兩更：「啲司機好唔穩定，唔揸情況多咗，平均一星期有一晚我要自己做返，但我做夠當晚車租就算喇，通常係朝7晚7，揸12個鐘。」
現年62歲的春哥說，平均一更大約做到25轉車，每日收入約有800至900元，連同夜更車租350元，每日收入約有1,200至1,300元，他每日都開工，一個月約有3萬多元收入。但收入並非淨賺，除了供車外，保險一年開支約2萬元，另有維修、保險、牌費等支出，加上運輸署要求每5年驗車一次，若車齡太舊亦需換新車，他在今年初便花了7萬元購入一部6年車齡的二手4人的士，將自己已揸了17年的舊車淘汰。
「專的」拖冧市 退休計劃或泡湯
面對政府推出專營的士計劃，「專的」司機收入可能會較高，但春哥直言沒有興趣「過檔」，然而他擔心計劃實施後，的士司機人手可能比現時更短缺，到時他的收入可能會減少。以350一更為例，如果有一半日子沒有人開夜更，每個月便少收5,000多元。
春哥批評政府，未有經過詳細考慮市場需要及業界影響，便「急就章」推出「專的」，認為計劃不可能成功，甚至質疑會否有人投標：「我計過條數，佢要好大開發成本，例如車方面，200部車，一部要50萬咁計，就投資成1億，你5年賺唔賺到1億呢？淨係個車價喎！」
行內不少單頭車主視部的士為退休生活保障，以春哥為例，當年購入的士牌價為270萬元，現時牌價升至550萬元，已經「賺咗」：「根本我哋當係儲錢，第時我有心有力就繼續揸，揸唔到就租畀人，收租維持退休生活。」但他擔心未來的士司機人手短缺比現在更嚴重，若最終無人租車，到時惟有將的士牌變賣。
