剛剛收到消息政府提前同梁家榮解約，由民政事務局副秘書長李百全空降接任廣播處處長。 表面上政府咁樣做係順應市民要求，但係實際情況係咪咁呢，我有所保留。
喺呢件事上面我覺得政府需要向市民就出一個詳細嘅解釋。
一直以嚟大眾都對梁家榮主管嘅香港電台非常不滿，甚至亦都有市民對梁家榮以公職人員行為失當提出私人刑事檢控。最近案件件去到上訴庭排期審訊。但是在上訴庭未作出裁決之前，政府突然同梁家榮解約，喺呢件事畀人睇到呢就覺得政府刻意迴避梁家榮被提出檢控而可能令到政府尷尬。 因為一旦私人刑事檢控批准咗之後律政司可以有兩個做法，就是由律政署接手去提出檢控或者否決呢個檢控。 如果律政署繼續檢控，就會證明以往政府係放縱咗梁家榮。但係如果律政司申請否決呢個私人刑事檢控，佢亦都好難向市民交代。所以政府呢個時候突然同梁家榮提前解約，我好大理由相信呢個原因。
另外呢個提前解約，究竟梁家榮嘅約滿酬金係咪繼續畀呢？我相信答案係嘅。如果咁樣嘅話呢政府就真係欠缺對市民一個交代。我想問下特首同埋邱騰華， 假如冇呢位郭女士鍥而不捨好似秋菊打官司咁繼續上訴 、上訴直至去到上訴庭，特區政府會唔會提前解約呢？我相信唔會。
因為呢個係重大及敏感問題，我希望林鄭特首同埋邱騰華可以向市民解釋一下呢個做法嘅原因，是順應市民嘅要求定係放生梁家榮。 如果政府拒絕評論嘅話，就真係欠缺市民一個交代。 各位立法會議員應該都代市民向政府提出質詢，以平息市民嘅疑慮。
文：冼國林
電影人，關心社會政局的時事評論員，KOL
＊作者文章觀點，不代表堅料網立場
