「BB界KOL」李元元（Lucy）是藝人李燦琛和時裝設計師老婆梁志瑩（Sophia）的女兒，雖然年僅3歲，但非常活潑，而且表演欲強，媽媽為其開設的社交平台IG更有超過35.7萬的粉絲，人氣極高。最近Lucy更與媽媽Sophia一同拍攝某大品牌的首飾系列，拍攝期間，現場大放笑彈之餘，Sophia更大爆女兒超級貪靚，當Sophia幫女兒戴上首飾時，Lucy即手舞足蹈興奮不已，急不及待向鏡頭擺出嘟嘴、單眼、扮兔仔等超萌甫士，Sophia笑謂：「阿女好鍾意扮靚，成日玩化妝玩具、搽指甲油等，啱啱見到咁色彩繽紛嘅獨角獸頸鍊，對眼即刻發晒光，全程戴住仲唔捨得除！」
另外，最近掀起的女團熱，其中來自《全民造星IV》的葛綽瑤（Yoyo）近日夥拍姜濤及陳卓賢主演新劇《季前賽》，日前再獲首飾品牌睇中，跟一同殺入20強的陳昭煊（超酸）為全新推出的「Twosday」限量首飾影硬照；同屬Team A的兩人感情深厚，拍攝當日合拍地擺出優雅的舞姿及「心心」Pose，Yoyo說：「我平時都有買開手鍊，特別鍾意簡單小清新嘅款式，今次仲可以同超酸合作好開心，拍攝成日都笑唔停！」一向穿搭行型格路線的超酸打趣道：「呢個系列有串飾象徵Roll Together，好啱做閨密頸鍊，我哋一人一條就最好！」二人又盼稍後有更多合作機會。
