陳凱琳（Grace）自2018年與鄭嘉穎結婚，其後誕下兩名兒子，亦開始減少幕前的工作，不過Grace經營社交平台十分成功，單單在IG就有接近72萬的粉絲，成功轉型做KOL，更奪得2021香港社交媒體風雲榜「品牌最愛」殊榮。近日有報道指Grace兩年內吸金千萬元，昨日她接受鄭裕玲（Do姐）節目《口水多過浪花》訪問時時直接否認。
陳凱琳坦言睇到報道有點愕然和不開心：「當然我賺嘅錢唔係咁大，呢樣嘢你又好難澄清，我唔舒服嘅位係感恩現有所有，亦都唔會成日話買好多名牌攞上嚟畀大家睇，我都唔係呢類嘅人，即係我老公話點解咁鍾意我，係因為我好慳家，所以我聽到嘅時候覺得我唔想大家嘅注目去咗呢個錢銀上面。」陳凱琳又指，疫情期間大家工作上都面對困難，在這時說她搵過千萬感覺有點不舒服，她說：「一來無咁嘅事，二來唔想炫耀。」
