MIRROR人氣王姜濤近日夥拍鄭裕玲（Do姐）合作為旅遊玩樂平台拍攝宣傳片，今早Do姐在社交平台分享與姜濤合照，還說很快會揭曉是甚麼一回事，Do姐一向十分愛鍚姜濤，經常請他上電台節目，今次首度合作，隨後Do姐再度分享二人合照，更留言：「合作愉快! He is such a sweet boy!大家要好好愛他啊！」
據知片中姜濤化身瑜伽小子、咖啡學徒、機師等多個不同造型，而一向識玩識食的DoDo就傳授姜濤「玩精啲！玩盡啲！」的竅門。
姜濤說：「廣告中有一幕係坐喺床上打遊戲機，雖然係我鍾意嘅籃球遊戲，但令我更難忘嘅係同DoDo體驗民航飛機嘅模擬飛行體驗，置身喺駕駛艙中飛越香港上空，好刺激、感覺好真實！」
而Do姐則表示：「以往見姜濤都係喺電台較多，今次係我哋首次合作拍宣傳片，拍攝過程又可以喺酒店內Staycation同埋大嘆美食，真係幾開心。拍攝過程好順利，而且喺酒店入面拍攝Staycation、又有美食，希望將來可以一齊飛到外地旅遊拍攝。」
