鄧麗欣再拍港劇 「避炎」取消咀戲

受疫情影響，不少藝人都停工休息，不過鄧麗欣（Stephy）最近為ViuTV新劇《男排女將》在天水圍開工，久未拍港劇的她笑謂：「好耐未試過拍一套戲拍咁耐，通常喺香港拍電影最多都係1個月就完成，我入行第一年拍過電視劇，之後咁多年都冇喺香港拍過。」她又表示雖然開始時不大習慣，但過了一段時間之後，慢慢同劇組、演員愈來愈熟絡，好似一家人，感覺好親切。

因為新劇不少場景都是在室內運動場、公共地方取景，受疫情影響，部分場地仍未重開，所以對拍攝進度都有影響，Stephy又透露原定要拍攝一場咀戲，但為了「避炎」而取消，她續道：「原本我同阿Sam（陳宇琛）有場比較親密嘅戲，本身係要Kiss嘅，雖然只係蜻蜓點水咁錫，但係大家喺互相尊重嘅情況下商議過，決定借位拍攝。」

圖：IG及互聯網

對於香港疫情，Stephy都相當關心，早前她就私下捐了一批口罩給慈善機派發姶基層人士，不少網民都大讚Stephy人美心善。