自從《國安法》出台， 警方國安處又嚴厲執法之後， 好多反中亂港嘅頭目，不是逃亡海外、就是被捕入獄或者等候判刑。香港特區表面上已經平靜咗好多，但是其實好多癌細胞都是潛伏在骨節裏，還有好多反中亂港嘅象徵物、標語等都仲未清除。
我曾經在一個月前ep156講過， 豎立在香港大學的「國殤之柱」是反中亂港的象徵，必須盡快清除。因為它是將香港大學在這廿幾年來變成為反中亂港的溫床主因之一，培養出很多反中亂港嘅學生，特別是法律界，社福界，會計界等。
既然已經大局已定，特區應該指示香港大學主動盡快清除「國殤之柱」。剛剛收到消息，香港大學通知支聯會在下周三之前必須要移除「國殤之柱」，否則會自行處理。 其實支聯會現在己經解散，不會有人出嚟做出任何反對行動，香港大學根本就冇必要去作出無意義的知會行動，有點多此一舉。當然港大為咗穩陣起見，避免有任何法律後果，亦無可厚非。
其實除咗香港大學的「國殤之柱」之外，它的民主橋亦寫滿反中亂港嘅標語，都應該清除。如果仲有任何人再在上述地點塗鴉，就必須當刑事毀壞處理 。
此外，中大及其他大學甚至公營機構都有類似的反中亂港象徵物，我呼籲警方國安處盡快指示所有大學及政府建築物移除所有反中亂港嘅標語象徵物。
最後，如果大家有睇過澳門立法會及政府建築物，佢哋都係國徽在上方或是在正前方，然後才到區徽，這個就是一個正正式式一國兩制的信息表達。但是我哋香港特區，除咗最近在政府及立法會網頁上加咗國徽之外，其他建築物包括法庭都完全無國徽。我們是否應該要參照澳門的做法，去凸顯一國兩制的精神呢？。
轉載自冼國林 Facebook
電影人，關心社會政局的時事評論員，KOL
＊作者文章觀點，不代表堅料網立場
